| Наслов на наставниот предмет | Маркетинг на услуги |
| Код | МКТ 340 |
| Професор | Проф. д-р Снежана Ристевска-Јовановска |
| Предуслови за запишување на предметот | Нема |
Цели на предметната програма (компетенции):
По завршувањето на наставата и положувањето на овој предмет, студентите треба да бидат способни:
- Да ги идентификуваат карактеристиките на услугите, преку идентификување на елементите според кои тие се разликуваат од производите, а кои се објаснети во рамки на материјата
- Детално да ги разберат инструментите на маркетингот на услуги преку поврзување на изложената материја, анализа на практични примери и изработка на проекти
- Да ги споредат и вреднуваат различните маркетинг стратегии од аспект на нивната специфичност кај услугите
Содржина на предметната програма:
Намерата на наставата по предметот е да се запознаат студентите со маркетинг концепцијата во работењето на услужните претпријатија и како таа функционира во практиката. Поаѓајќи од неопходноста од примена на маркетингот во услужните претпријатија, мора да се имаат предвид разликите помеѓу услугите и производите, а оттаму и специфичностите на маркетингот на услугите. Во денешните услови, кога услужните дејности бележат постојан пораст, не може да се занемари маркетинг пристапот во работењето на услужните претпријатија и задоволувањето на барањата на потрошувачите преку добра маркетинг програма. Исто како и кај производните претпријатија, така и кај услужните претпријатија, доброто управување со маркетингот на услугите е основа за успешно пазарно работење.
- Услуги и услужен сектор
- Потрошувачите како корисници на услуги
- Комуникациски микс на услугите
- Дистрибуција на услугите
- Ценовна политика на услугите
- Физички параметри (докази)
- Кадрите во услужната индустрија
- Продуктивност и квалитет на услугите