| Наслов на наставниот предмет | Национални сметки |
| Код | ECN 390 |
| Професор | Проф. д-р Билјана Ташевска |
| Предуслови за запишување на предметот | Нема |
Цели на предметната програма (компетенции):
По завршувањето на наставата и положувањето на овој предмет, студентите треба да се способни:
- да ги разберат и објаснат основните концепти и принципи на системот на национални сметки (СНС), како главен извор на макроекономски информации неопходни за анализа на националната економија и нејзиниот развој, како и за меѓународни споредби;
- да ги дефинираат и анализираат врските помеѓу најзначајните макроекономски агрегати на производството и доходот;
- да ги испитаат врските помеѓу различните сектори во економијата;
- да ги увидат можностите за користење на системот на национални сметки при предвидувања, планирање, економска анализа, креирање политики итн.;
- да ја разберат примената на националните сметки за мерење на релевантните цели за одржлив развој;
- да користат статистички бази на податоци за националната економија;
- да пресметаат и толкуваат одредени макрекономски индикатори, со примена на софтверски алатки;
- да дискутираат за прашања поврзани со ограничувањата на статистиката на националните сметки.
Содржина на предметната програма:
- Основни концепти на националните сметки;
- Системот на национални сметки на ОН (СНС 2008);
- Макроекономски агрегати;
- Бруто-домашниот производ, националното богатство и благосостојбата;
- Редослед и поврзаност на сметките;
- Сметки на институционалните сектори во економијата;
- Инпут-аутпут табели и матрици на општествени сметки;
- Неформалната економија;
- Квартални национални сметки;
- Сателитски сметки и други проширувања на системот на национални сметки;
- Поврзаност на националните сметки со останатите макроекономски сметки;
- Примена на националните сметки за економска анализа, предвидувања, планирање, креирање политики итн.