| Наслов на наставниот предмет | Програмирање на бизнис апликации |
| Код | EBU 5910 |
| Професор | Вонреден професор д-р Мијалче Санта |
| Предуслови за запишување на предметот | Нема |
Цели на предметната програма (компетенции):
Главната цел на предметот е изградба на знаења и вештини на студентите во областа на развој на бизнис апликации, со фокус кон анализа на потребите на бизнисот и создавање на соодветни решенија. По завршување на предметот, се очекува студентите да развијат способности за дизајнирање, кодирање и имплементација на апликации базирани на потребите и побарувањата на бизнисот.
По завршување на предметот, студентите ќе ги стекнат следните знаења и вештини:
- Познавање во областа на концептите на програмирање и нивната релација со бизнис проблеми и побарувања
- Развој на бизнис апликации за специфични потреби на бизнисот
- Компетенции за развој и имплементирање на ИКТ бизнис апликации
- Детално познавање на основните елементи на компјутерските програмски јазици за развој,
имплементација и менаџирање на бизнис апликации - Способност за интегрирање на е-бизнис апликации за оптимално функционирање на бизнисот.
Содржината на предметот ги опфаќа фундаменталните елементи на компјутерско програмирање, принципите на програмски дизајн и програмски структури, анализа и развој за решенија на бизнис потребите, тестирање на програми, дизајн и структура на бизнис апликации, како и модерните трендови и идниот развој на бизнис апликации. Опфатените теми се фокусирани кон моделите на е-бизнисот, во контекст на градење на алатки и апликации наменети за крајните бизнис корисници.
Преку комбиниран пристап од предавања и вежби, студентите ќе добијат значително практично знаење за анализа, синтеза, разбирање и решавање на разновидни бизнис потреби преку конструкција и имплементација на бизнис апликации.
Програмирање на бизнис апликации – предметна програма 2022/2023