д-р Љубен Коцев

 Љубен Коцев е роден во Скопје. Средно образование завршил во СУГС „Раде Јовчевски – Корчагин “. Прв и втор циклус на студии завршил на Правниот факултет „Јустинијан Први“ – Скопје. Во учебната година 2016-2017 година примен е на специјализирани магистерски студии по право и бизнис на правниот факултет Bucerius Law School во Хамбург, Германија како добитник на целосна стипендија, каде магистрирал во 2017 година со специјализација во полето на Меѓународната арбитража. Моментално е студент на трет циклус на студии  во рамките на Школата за докторски студии на Универзитетот “Св. Кирил и Методиј” – Скопје.

Работел во домашни адвокатски канцеларии, бил практикант во адвокатското друштво  Hogan Lovells LLP во Минхен, СР Германија. Од декември 2017 година вработен е како асистент – докторанд на Економскиот факултет – Скопје.

Вклучен е во повеќе активности меѓу кои како најзначаен се вбројува натпреварот за меѓународна трговска арбитража во Виена (Willem C. Vis), на кој како студент има добиено индивидуални и тимски признанија. Активно е вклучен во подготовката на тимот на студентите на Универзитетот “Св. Кирил и Методиј” – Скопје за натпреварот, и како арбитар на усните рочишта во Виена. Член е на академската мрежа на London School of Economics за ЦЕФТА регионот.

Има остварено повеќе научни престои во Германија, Австрија, Франција, Швајцарија, Кина. Автор и коавтор е на повеќе научни и стручни трудови и има учествувано на повеќе домашни и меѓународни научни конференции.

Полиња на интерес: трговско право, договорено право, корпоративно право, арбитражно право, конкурентско право.

На следниот линк можете да ја погледнете одлуката за избор на звање како и рецензенскиот извештај.