| Наслов на наставниот предмет | Основи на бизнис аналитика |
| Код | MST 220 |
| Професор | Вонреден професор д-р Виолета Цветкоска |
| Предуслови за запишување на предметот | Нема |
Цели на предметната програма (компетенции):
По завршувањето на наставата и положувањето на овој предмет, студентите треба да бидат способни:
- Да извлекуваат сознанија од податоците врз основа на кои ќе можат да носат одлуки базирани на факти
- Да користат популарни аналитички методи и техники за бизнис одлучување
- Да користат софтверски алатки за анализирање, моделирање и визуелизирање на податоци
Содржина на предметната програма:
Целта на овој предмет е да ги подготви студентите со вистински вештини за да можат да донесуваат одлуки базирани на податоци и да бидат движечка сила за примена на аналитиката во организациите. Студентите ќе работат на реални сетови на податоци и екстензивно ќе користат софтверски алатки за моделирање и визуелизирање на податоци. Во предметот ќе се обработуваат аналитички методи и техники кои се однесуваат на четирите столба на бизнис аналитиката: дескриптивна, дијагностичка, предиктивна и прескриптивна. Акцентот на предметот е ставен на интерпретирање и комуницирање на добиените резултати во соодветен бизнис контекст.