| Наслов на наставниот предмет | Статистика за бизнис и економија |
| Код | MST 120 |
| Професор | Проф. д-р Калина Треневска-Благоева Проф. д-р Драган Тевдовски |
| Предуслови за запишување на предметот | Нема |
Цели на предметната програма(компетенции):
По завршувањето на наставата и положувањето на овој предмет,студентите треба да бидат способни:
- Да ја разберат појмовната определеност и значењето на статистичката терминологија;
- Да бидат способни да ја употребуваат дескриптивната анализа при анализата на податоците;
- Да бидат способни да ја користат веројатноста и случајните променливи во решавањето на бизнис проблемите;
- Да го разбираат статистичкото заклучување кое што претставува основа за интерпретирање на резултати и донесување на бизнис одлуки;
- Да бидат способни да ги користат корелацијата и простата и повеќекратната регресија;
- Да ги знаат основите на анализата на варијансата;
- Да ги разбираат основите на индексните броеви и методите за анализа на временскитесерии.
Содржина на предметната програма:
Предметот овозможува разбирање и совладување на основите на статистиката. Тој има за задача да ги оспособи студентите да ги користат основните статистички методи при решавањето на економски и бизнис проблеми. Со аплицирање на статистичката методологија студентите мошне успешно ќе ги спознаваат, откриваат и експлицираат законитостите и односите помеѓу економските појави и феномени. Предметната програма е конципирана идентично со предметните програми по статистика за бизнис и економија на светски реномираните универзитети. Ги опфаќа следните делови:
- Вовед;
- Дескриптивна анализа;
- Случајна променлива и распореди на веројатноста;
- Статистички примерок;
- Статистичко оценување;
- Тестирање на статистички хипотези;
- Анализа на варијанса;
- Хи-квадрат тест;
- Проста праволиниска регресија и корелација;
- Повеќекратна праволиниска регресија и корелација;
- Индексни броеви;
- Анализа на временски серии.