| Наслов на наставниот предмет | Финансиска економетрија |
| Код | CFM 521 |
| Професор | Проф. д-р Весна Буцевска |
| Предуслови за запишување на предметот | Завршен прв циклус на студии со најмалку 240 кредити |
Цели на предметната програма (компетенции):
По завршувањето на наставата студентите треба да бидат способни да:
- да ги имплементираат генерализираните авторегресиони условно хетероскедастични модели (Generalized Autoregressive Models– GARCH Models) и моделите со стохастичка волатилност (Stochastic Volatility Models) за да го претстават динамичкото однесување на неизвесноста.
- да ги оценат временски варирачките корелации помеѓу финансиските приноси.
- да ги употребуваат економетриските модели за да тестираат различни финансиски хипотези и модели, како што се на пример, тестирањето на ефикасноста на пазарите, оценка на ризикот на поединечна акција преку пресметување на нејзината вредност под ризик (Value at Risk) итн.
Содржина на предметната програма:
Краток преглед на класичниот линеарен регресионен модел (КЛРМ): претпоставки, статистичко заклучување, предвидување, нелинеарни модели и понатамошен развој и анализа на КЛРМ; Моделирање и предвидување на униваријантни временски серии (АР, МА, АРМА и ARIMA, Експоненцијално израмнување и Предвидување со користење на АРМА модели); Мултиваријантни модели (Симултани равенки во финансиите, Структурна, редуцирана и финална форма, Триангуларни системи, Постапки на оценување на системите на симултани равенки, Вектор авторегресивни модели (ВАР) и ВАР модели со егзогени променливи); Моделирање на долгорочните поврзаности во финасиите (испитување на постоење на стационарност, коинтеграција, модели на корекција на грешката, методи за оценување на параметрите во коинтегрирани системи)